السلام عليكم
وانا اتجول في مدينتي المحبوبة الرياض مريت على حي البديعة وخاصة شارع المدينة وأشوف لوحة مكتوب عليها ( باب رزق جميل ) بصراحه مااعطيت هاللوحه بال
قلت يمكن انها شركة معينة او شركة عقارية او او
لأنه مو مبين عليها اي دلالة على أنه سوق نسائي
المهم جلست مع واحد من زملائي الا ويقول لي ماوديت عيالك للسوق النسائي اللي اسمه باب رزق !!
قلت لايكون الا في البديعة على شارع المدينة
قال نعم هو سوق نسائي مغلق ويوجد فيه محلات رائعة كما نقل له ذلك زوجته ومفتوح من شهر 6
قلت ياولد فرصة احط ام العيال في السوق وازور اعز اصدقائي يسكن في البديعة
وفعلا وضعت ام العيال في السوق
واستخرجت من زوجتي مايلي :
1- السوق نسائي 100% والموظفات سعوديات وهذا بصراحه شئ يفرح .
2- ان السوق هو احد برامج عبداللطيف جميل وللأستزاده راجع هالرابط :
http://www.babrizqjameel.com/ar/باب رزق جميل
3- المحلات الموجوده فيه ( مطاعم ، اكسسورات ، صالة العاب للأطفال ، صالون تجميل نسائي ، تموينات ، محلات تصاميم وملابس واحذية ، وووو )
4- يغلب على السوق صغر المحلات فيه .
5- السوق من داخل راقي ومنظم بس تنقصه الدعاية الكافية .
وكل من سألت احد عنه ماعرف انه سوق نسائي
اتمنى لأخواتنا الكرام زيارة هالسوق خاصة انه نسائي بعيد عن اعين الرجال
استر لهن وتشجيعا لأنشاء مثل هالمجمعات النسائية اللي تأخذ المرأة فيها حريتها اكثر وكذلك تفتح المجال لتوظيف السعوديات
اتمنى هالتقرير الصغير يفيدكم
( موقع السوق - الرياض - طريق المدينة - بجانب سيتي ماكس )
2020-04-20, 15:44 من طرف mahmoudb69
